Description
ދިއްދޫ ކައުންސިިލްގެ ރައީސް އަބްދުﷲ ރަޝީދު މިއަދު "މިހާރު" އަށް ވިދާޅުވީ އެ ފެކްޓަރީއަކީ އެ ރަށު ކައުންސިލާއި ޖަޕާނުގެ ކުންފުންޏަކާ ގުޅިގެން ހުޅުވި ތަނެއް ކަމަށެވެ. ކައުންސިލަށް ބިމު ކުލި ލިބޭ ގޮތަށާއި ރަށުގެ މީހުންނަށް ވަޒީފާގެ ފުރުސަތު ލިބޭ ގޮތަށް އެ ފެކްޓަރީ ހެދުމުގެ މަސައްކަތް ފެށީ މީގެ އަހަރެއްހާ ދުވަސް ކުރިން ކަމަށް އޭނާ ވިދާޅުވި އެވެ.
"ކައުންސިލުން އިންވެސްޓްކުރަން ހުޅުވާލި ބިންތަކުގެ ތެރެއިން ބިމެއްގައި ޖަޕާނުގެ ކުންފުންޏަކުން ޝައުގުވެރިވެގެން ހުޅުވި ތަނެއް މިއީ،" އޭނާ ވިދާޅުވި އެވެ.
